【家事分享系列 - 你想壞部機定壞個人？】
「Hi，想問你有冇Mon可以介紹畀我用下？」
一位用Mac Pro垃圾桶嘅機主問。
「Mon我哋冇賣喎，你用緊嗰隻有咩問題？」
「本來用開隻Thunderbolt Display，突然有一日唔著。」
就係咁，由買Mon講講下變咗整Mon。
去機主度收走隻Mon，返到鋪頭循例試機，果然係唔著。但，哪來的燶味？
打開隻Mon，見到火牛有燒燶咗嘅痕跡，唔使審了。另外，亦有明顯因為潮濕所致嘅污漬。
「機主先生，懷疑因為你屋企太潮濕，火牛燒咗了。」
「哦。都估到。冇辦法，本身唔開窗就冇事，但『屋企人』堅持要開，話空氣流通喎。」
本人作為一位男士，對於上述遭遇表示無限嘅同情。
到送機當日，我問機主有冇同屋企人講隻Mon壞嘅原因。
「有呀。但得到嘅回覆係，『你想壞部機定壞個人吖？』」
雖然未見過機主嘅屋企人，但呢啲對白好有畫面，硬係覺得喺耳邊成日都聽到。男士們，你懂得。
就這樣，機主帶住點傷感同無奈，緩緩地拎住隻Mon上返屋企。祝願佢屋企就算開窗都唔好太潮濕。
Comentários