執手尾系列

iMac 21.5 2013，突然間變得好慢，而且停留咗喺Login畫面，彩虹波轉兩個鐘都冇進展。毫無疑問，壞harddisk。

換SSD可以解決問題，還好data都重過到，不過要幾日時間。但，重點唔係上述嘅，而係拆開部機嘅發現。

首先harddisk嗰兩塊冚同埋一堆螺絲唔見咗；另外，用封箱膠紙嚟黐住個harddisk，都係第一次見（都廢事講黐住個mon啲膠紙有幾咁難搣）。

換SSD順便盡力還原返佢應該嘅模樣。奉勸各位：消費權益喺你手（呢句有啲出賣年齡），搵邊間整都好，問多兩句佢點整、叫佢整完影相畀你睇下，其實冇壞嘅。