iMac 21.5” 2015自製Fusion Drive?

用iMac薄機嘅機主upgrade SSD嘅原因，唔單止想快想多容量，係直頭想多一個drive可以用。

呢部iMac 21.5” 2015 (A1419) 嘅機主都係咁諗。不過我哋收機嗰刻，好溫馨咁提示機主先生，「嗱，唔一定得架，拆咗機先知，因為有啲板係冇PCIe嗰個頭嘅」。

好彩嘅係提一提機主，唔好彩嘅係畀我噏中。拆機一睇，發現呢塊板又係得個位，但冇焊到個接頭落去。通知機主冇得自製Fusion Drive後，機主帶住半點憂鬱加一點無奈咁決定照upgrade。

Upgrade咗SSD其實都快咗好多嘅，希望機主試完機之後都開心返啲啦。