曾經有位教授，上堂嗰陣好唔覺意又好想畀你見到咁，拎部新出嘅彩色Mon PDA出嚟，好自豪咁話「嗱，呢部叫做PDA」云云。咁佢梗係即場叫部機表演啦，最快方法係搵隻歌嚟播。一起歌，大家發現係粵曲，惹嚟一陣笑聲。
一嚟大家冇預期會係一首粵曲；二嚟發現音質相當好，完勝細個睇電視嗰種沙聲嘅粵語殘片。
「嗱，我哋啲老嘢係咁嘅，用最新嘅科技聽最古老嘅歌。」加埋教授呢句，成件事更加有趣。
情況類似呢部iMac 27" 2011吧。Upgrade 2TB SSD，加多16GB Ram，新舊磨合，效果好多時係超乎預期。
Commentaires