同Mac mini 2014嘅機主，約好夜晚喺馬鞍山收機。
「想問下，聽晚有冇機會攞返部機？」機主問咗我一個常見問題。
「要睇過data嘅時間，你預1-2日左右，我聽日晏晝update你。」通常除咗直裝系統之外，好難答得實完成時間。一陣好似我個朋友咁，攞部要99個鐘先整好嘅機嚟，但我又應承咗第二日交機咪大鑊。
「哦，我部機好少嘢，好乾淨嘅。」機主禮貌地回應。不過，data多少嘅定義真係把把尺都唔同，事實上係有客人認為700GB data係好少。
「冇問題，我聽日update你。」
如是者，帶住求學問應有嘅懷疑態度，第二日一早返鋪頭過data，畢竟盡早交到機畀客人係好事。
返到去，用最快圈速準備好，開波，然後落街買早餐。買完，上到嚟，clone完 ?!
客人冇欺騙我感情，部機真係好乾淨，得17GB data。喺呢一刻，對於對上12個鐘嘅懷疑，本人鄭重同機主致歉，並正式徹回所有對閣下嘅不信任。
🤳🏼Whatsapp: https://wa.me/85263338797
留言