客人係一位醫師。自備咗兩隻SSD，分別upgrade iMac 21.5" 同 Mac mini 2011。收機整好之後，第二日客人上嚟攞機。
到第二日，一起身發現大鑊了 - 嚴重瞓捩頸！莫講話揸車望鏡出現困難，直頭影響到抖氣嗰種，幾乎想將當日嘅收送機押後一日。
晏晝醫師上到嚟攞機，我厚住面皮咁請教一下：「唔好意思想問下，瞓捩頸可以點解決？」
「一般係針灸同埋食藥啦。」
「哦，咁有冇啲即時舒緩到嘅方法？」
「都有嘅，你坐喺度先。」客人搖身一變變返做醫師，鋪頭變做臨時醫館。醫師錐咗落我三個穴位度。本來諗住請教一下然後自己試試嘅我，有幸被即時贈醫。
神奇嘅事發生了，條頸本來得20度角可以擰到，慢慢可以擰到接近70度角。
我懷住極唔好意思嘅心情同醫師道謝。醫師回一句，「行醫嘅，幫到人就好」。好有愛。
話我公器私用都係咁話喇：要公開由衷地感謝呢位醫師🙇♂️。
🤳🏼Whatsapp: https://wa.me/85263338797
Comments