那怕你喺7年前買Macbook Pro 13” 獨具慧眼，加大咗SSD到500GB，捱到今日都要面對唔夠位嘅問題。 機主決定Upgrade 1TB SSD，延長部機嘅壽命。

睇咗兩日比較驚嚇嘅維修機，睇返部正常啲嘅，平衡一下。 iMac 27” 2017，upgrade 2TB SSD，再加多兩條32GB Ram（係有唔少機主懷疑2017年機加唔加到一條32GB Ram，用部實物嚟答大家就最好），剪片絕對難唔到佢了。

一部harddisk有問題嘅iMac 27” 2012，機主打從兩年前開始就冇再用部機了。 諗咗兩年，機主都係決定將佢出土，upgrade 2TB SSD。塵封兩年，啲塵當然有返咁上下。

呢款Mac Pro嘅設計，到而家都重係有好多機主認為係無可取代。 呢位Mac Pro 2012嘅機主一樣對部機情有獨鍾，決定Upgrade 6 Core CPU同2TB SSD，繼續走下去。

撳著部iMac 27” 2015，明明見到個mon有光，但就係冇噹一聲，又唔見個蘋果。 呢個情況，底板已死，深表遺憾。 換底板，upgrade 1TB SSD，重裝系統，當一部新機咁用會開心返啲嘅。

冇蘋果嘅日子，得返Windows的話，其實都幾恐怖。 iMac 27” 2013，upgrade 1TB SSD，裝埋bootcamp，喺呢度起碼重有兩個選擇。

Upgrade SSD嘅其中一個好處，係可以順便清吓啲陳年積塵。 呢部iMac 21.5” 2012，upgrade 1TB SSD，清埋塵就可以幫助一下散熱。

有咩慘得過整爆iMac 21.5” 2012隻Mon? 就係畀隻貓整爆，嗰種敢怒不敢言嘅無奈，隔住個Mon都感受到。 換返隻新Mon，順便upgrade 500GB SSD。至於點樣防止隻貓再接近部iMac，恕小弟不才，重未諗到。

好多機主喺收機嗰陣都會講：「可唔可以影機入面張相畀我睇？想睇下入面有幾多塵！」 當然可以，舉手之勞。呢部Macbook Pro 15” Early 2013嘅機主都有同樣要求，呢張相影得抵了。 Upgrade 500GB SSD，換IO...

好難想像係一部用咗六年嘅Macbook Air 13” 2015，幾乎一粒塵都冇。 Upgrade 1TB SSD，不過清塵就慳返了。

機主upgrade部Mac mini 2014上500GB SSD。 Data就唔使過嘅，唯一考慮係裝邊個系統。 結果都係信唔過Big Sur，裝返Catalina穩陣啲。

你好 你點入嚟㗎？ #真厲害薄機都入到嚟

新Mac Pro值唔值就見仁見智。但與其使十萬八萬賭舖大細，倒不如打爆本身部機實際啲。 全餐升級Mac Pro Late 2013，upgrade 12 Core CPU，打爆64GB Ram，upgrade 1TB SSD，現階段點都值搏過買部新機嘅。

又一部整完就會跟機主一齊移民嘅iMac。 部iMac 27” 2017，幾個月之前換過Mon。今次就upgrade 1TB SSD，期間發現原來條SATA線係壞嘅，唔怪得機主話間中會入唔到系統。 珍重。祝一路順風。

一部過data比正常用多三倍時間嘅iMac 21.5” 2015，可以想像機主用部機嗰陣係何期痛苦。 Upgrade 1TB SSD，長期出現彩虹波嘅苦痛嘅日子從此過去。

當部iMac 27” 2013除咗噹一聲之外就冇一樣嘢睇到，可能係harddisk已經徹底打柴。 呢部係其中一部，upgrade 2TB SSD，裝返系統就可以正常運作了。

老實講，Windows除咗用嚟Install之外，暫時未諗到點用。 雖然我唔打機，但都好想知道用iMac 27” 2017，upgrade 2TB SSD之後行Windows打機係咩感覺。

用緊Mac Pro 2013嘅機主們，係咪好難想像點解當日會接受用256GB SSD？ 唔使自責嘅，時代唔同而已。Upgrade 1TB SSD，成件事合理返好多。

根據一啲都唔科學嘅統計，每年轉天氣嘅時候，係最多壞機之時，今年都唔例外。 又一部iMac 21.5” 2013用用吓自己熄咗機，之後就沒有之後了。還好只係燒咗換牛，順便upgrade埋 1TB SSD。

每次開iMac厚機都有買大細嘅感覺，畢竟用咗10年以上。 通常只有兩種情況：多塵同勁多塵。 今日呢部就唔算係勁多塵嘅。