如果你係足球迷，相信今日因為Super League而睇咗一日新聞（i.e. 食咗一日花生）。 我都唔例外。 直到打開呢部Macbook Pro 15” 2014換喇叭嗰陣，畀啲塵嚇親為止。

究竟係點用部Macbook Pro 15” 2012， 先可以用到粒IC爆開？

再靚聲嘅喇叭 都有拆聲嘅一日

一部唔肯定係因為擺埋一邊冇用太耐所以Keyboard壞， 定因為Keyboard壞所以擺埋一邊好耐嘅Macbook Pro 13” 2012，新嘅一年終於出土。 順便upgrade 500GB SSD，當一部新機咁用。

鼠年以一部Macbook Pro 13” 2016換Mon嚟作結。 牛年見

間中都會有因為積塵而過熱嘅機。 就好似呢部Macbook Pro 13” Late 2013，因為電池脹咗，部機不停入塵，結果動不動就去到100度然後自動熄機。 徹底清塵、換電、換一對拆聲嘅喇叭、加返散熱膏，再upgrade 2TB SSD，部機從新起步。

部Macbook Pro 15” 2018入水入到咁 究竟係部機慘啲 定係機主慘啲？

入水機最慘烈嘅情況 直頭燒溶咗，盡力而為啦。

呢款機 好耐冇見

部飲咗鋒蜜綠茶嘅Macbook Pro 雖然消化咗杯茶之後著得返 但原來隻Mon都有份飲🤦‍♂️ #留意返唔係沙畫係水漬嚟

啱啱沖好嘅蜂蜜綠茶加珍珠少甜少冰🤦‍♂️

經歷過入水嘅Macbook Pro 13” 2016，換過Mon同維修底板，個keyboard終於都頂唔住。 換返Top case，嚟個小翻新。

撳著部機有三下嘟嘟聲，毫無疑問，板已死。 好容易locate到問題嘅Macbook Air 13” 2011，換底板就解決到。

稀有嘅唔係部Macbook Pro 13” Mid 2012，而係IO Board壞都可算少見，據說係成部機狠狠地跌落地之後，發現IO Board有問題。 換埋發脹咗嘅電池，upgrade 1TB SSD，將部機還完到良好嘅狀態。

秋天到了（只限上晝9點前），冷氣終於可以開少啲，屋企嘅風扇可謂舉足輕重了。當然，點都唔及Macbook Pro嘅風扇緊要，壞咗唔理嘅話板都燒埋你。 Macbook Pro 15” 2012，upgrade 1TB SSD，順便換埋壞咗嘅風扇。

有幾粒字消失咗嘅Macbook Air 13” 2015。 大概係唔想每次打字都考自己記性，機主決定換Keyboard，順便upgrade 1TB SSD。

你們是地上的鹽。咁，機入面嘅鹽呢？ 部Macbook Pro 15” 2010，因為LCD發霉，機主約我哋收機換Mon，順便換埋發脹咗嘅電池，同埋被電池整爆嘅Trackpad。 大概係太過潮濕嘅關係，打開部機竟然發現有鹽嘅存在。

部Macbook Pro 13” 2014，餓起上嚟連薯片都擺落口。可惜消化唔到，成塊留咗喺度。又唔知佢走咗去邊度食，走到連四隻腳都唔見埋。 Upgrade 1TB SSD、換電、清塵、清薯片、補返四隻腳，唔好再亂食嘢喇。

嚴格嚟講，係輕微入水。 部Macbook Air 13” 2014喺唔知幾時開始，就時著時唔著，完全冇路捉嗰隻。 還好入水唔嚴重，塊板救得返；只係同樣有水漬嘅SSD就救唔到了，所以順便upgrade 500GB SSD。

與其話重光，不如話係重建。 一部有一段時間冇開過嘅Macbook Pro 15” Mid 2009，因為個鉸已經徹底爛咗，首先要換咗隻Mon先。 本身張Airport card係壞嘅，換埋。 重用harddisk？Upgrade 1TB SSD，裝返系統。 2GB...