喺iMac 21.5” 2011 Superdrive檢出嚟嘅聖誕帽一張 #小朋友提提你嗰條罅係入碟唔係入紙

Fusion drive嘅最大唔好處，係有起事上嚟，data救到嘅機會接近0。 iMac 27” 2015，upgrade 1TB SSD，只能忘記過去，裝返系統，火鳳凰重生。

換咗SanDisk SSD嘅iMac 21.5 2015，機主以為一了百了，部機從此同世界接軌。 只可惜係，呢個願望最終落空，隻SSD走到了生命盡頭（寫入速度得返可憐嘅2.8MB/ s）。畢竟主要做文書工作，機主唔相信係因為佢過度操勞。 去到我哋手，換返另一隻牌子嘅1TB...

iMac 21.5 2013，突然間變得好慢，而且停留咗喺Login畫面，彩虹波轉兩個鐘都冇進展。毫無疑問，壞harddisk。 換SSD可以解決問題，還好data都重過到，不過要幾日時間。但，重點唔係上述嘅，而係拆開部機嘅發現。...

要用歷嚟最強大嘅OS，都要喺硬件上稍為配合，就可以避免部機突然變慢。 iMac 27” Late 2015，upgrade 2TB SSD，打爆32GB Ram，變成一部歷嚟最強大嘅iMac 2015。

又一樣極少數會壞嘅parts。 機主對住部iMac 27” 2011，終於有了足夠嘅憤怒，去令彩虹波消失。 Upgrade 1TB SSD，加多16GB Ram，另外換埋認唔到keyboard mouse嘅藍芽。

通常話燒火牛，一般都係指短路，然後換火牛解決問題。 但呢部iMac 27” 2013，隻火牛真係「燒」咗，不幸地重燒埋底板。 還好底塊未算損壞得好嚴重，整得返，唔使換板。

一部有接近2TB Data嘅iMac 27” 2017，喺系統升級途中，Harddisk突然死亡，從此入唔到系統。 好彩嘅係，機主有經常做backup嘅習慣。同機主講data要入lab做recovery嗰陣，得到嘅係一句瀟灑嘅回覆：「唔使救喇，我有backup」。型爆。...

一部壞Display card嘅iMac 27” 2011。 換Display card就冇咩特別嘅，只係應機主有個特別啲嘅要求：喺DVD Rom度拎返張SD Card出嚟。

除咗常見嘅花畫面，喺白蘋果下面出現一條綠色bar就比較罕見，位置喺正display card driver度。

部iMac 21.5” 2013，用用下聽到「噗」一聲，跟住熄咗機，就冇再著得返了。 呢種情況，十居其九都係燒咗火牛，呢部都唔例外。

撳著部iMac 27” 2015，明明見到個mon有光，但就係冇噹一聲，又唔見個蘋果。 呢個情況，底板已死，深表遺憾。 換底板，upgrade 1TB SSD，重裝系統，當一部新機咁用會開心返啲嘅。

Upgrade SSD嘅其中一個好處，係可以順便清吓啲陳年積塵。 呢部iMac 21.5” 2012，upgrade 1TB SSD，清埋塵就可以幫助一下散熱。

壞display card嘅畫面真係層出不窮。 但好似呢部iMac 27” 2011，白蘋果 + Login 畫面重疊出現嘅畫面就比較少見啲。

有咩慘得過整爆iMac 21.5” 2012隻Mon? 就係畀隻貓整爆，嗰種敢怒不敢言嘅無奈，隔住個Mon都感受到。 換返隻新Mon，順便upgrade 500GB SSD。至於點樣防止隻貓再接近部iMac，恕小弟不才，重未諗到。

一部曾經喺天才Bar換過HDD嘅iMac 21.5 2015，upgrade 500GB SSD。 開機竟然發現有未清理好嘅貼紙殘骸

又一部突然著唔到嘅iMac 27” 2011。 換火牛，順便upgrade 500GB SSD，再一次救返一部差啲被放棄嘅iMac。

你好 你點入嚟㗎？ #真厲害薄機都入到嚟

又一部整完就會跟機主一齊移民嘅iMac。 部iMac 27” 2017，幾個月之前換過Mon。今次就upgrade 1TB SSD，期間發現原來條SATA線係壞嘅，唔怪得機主話間中會入唔到系統。 珍重。祝一路順風。

打滾多年嘅iMac 24” 2009， 都懷疑因為天氣死咗火牛。