有少少神經分裂。 呢頭幫Keep得好好嘅舊機upgrade SSD，轉頭就有部接近毁容嘅新機。 落地兩年嘅Macbook Pro 13" 2017，為免勾起機主傷痛嘅回憶，所以冇問到點解會整成咁。換返隻新Mon，將佢還原返兩年前嘅模樣就好了。

Mac mini 2012嘅機主，約我哋收機upgrade 1TB SSD同8GB Ram。 戴口罩整機嘅好處，係本身長期處於極度敏感嘅鼻，唔使再怕塵同毛嘅攻擊。

只要Keep得好嘅，10年前嘅機upgrade完一樣可以正常使用。 iMac 24" 2009，Upgrade 2TB SSD同8GB Ram，延續部iMac嘅生命。

機主上嚟我哋度，帶部Macbook Pro 13" Late 2013嚟upgrade 1TB SSD同埋換電。 重點係電池已經嚴重發脹，還好重未整壞個trackpad。

iMac 27" 2019，很想要吧？ 機主狠狠地upgrade 2TB SSD，加多32GB Ram畀部機，更加想要吧？

尋日嗰盒麥精好威咩？ 今日有部Macbook Pro 15" Late 2013 入椰子油。 #未開殼都一陣椰香味

機主經由另一位機主嘅介紹搵到我哋。 呢部Macbook Pro 13" 2015嘅機主，表示自從倒瀉咗盒麥精落部機之後，部機時著時唔著。至於幾時先著，重難估過最近嘅天氣。 全能嘅上帝用咗七日可以創造世界，美味嘅麥精只需半晚已經整壞塊板。終於有一日，熄咗機之後就沒有之後了。...

世紀難題：如果畀你一定要揀一樣，你揀死板定死HDD？ 唔好答喇，諗下都傷感，冇事就最好啦。但呢部Macbook Pro 15" 2011嘅機主就冇得揀，板已死。

條腰對於男人同iMac都係相當緊要。冇咗條腰，部iMac想挺直都難。 去到收機現場，發現機主用個蒸餾水樽攝住個Mon。雖然見過唔少嘅方法嚟挺直返部機，但用水樽都係第一次見。 幫部iMac 27" Late 2013 Upgrade 1TB...

首先，部iMac 27" 2015嘅data係救唔到。RIP。 確實唔係次次咁好彩有得搞，結果係upgrade 2TB SSD，裝返最新嘅系統。禮成。

咦，張相咁熟面口嘅？ 放心，我冇一圖二用，真係咁啱又有部iMac要換火牛。 呢隻火牛嘅可恨之處，係佢好似正常運作咁，但用一陣就會自己熄機，機主用部機用到懷疑人生嘅地步。 換咗火牛，upgrade 2TB SSD，部機翻生又翻新。

人日嗰日機主約我哋元宵節後收機，今朝喺一個相當清幽嘅地方，搵機主收部垃圾桶。Upgrade 1TB SSD同32GB Ram，順便上埋最新系統。 總算趕到即晚送返畀機主。 #當然唔少得由上至下左至右咁清塵啦

你就好啦 唔使戴口罩 #今日偷懶休息一天 #喺市區好焗去抖抖氣先

自己會熄嘅，重有呢部iMac 27" Late 2013。有一日，用用下Bo一聲，就一睡不起了。 重生方法好簡單：換火牛、upgrade 1TB SSD、加多8GB Ram，禮成。

呢個世界除咗電磁爐之外，呢部Macbook Air 13" 2017個Mon都係自己會熄嘅。 同電磁爐一樣，換過個新嘅就可以了。

間中都會撞著本身HDD有問題嘅機。呢部iMac 21.5" Late 2013，Upgrade 1TB SSD同16GB Ram，用咗16個鐘先過得曬500GB嘅data。 #機主錫部機錫到原裝保護貼都未搣 #整好部機發現保護貼好反光所以唔影相了 #送機嗰陣機主祝我百毒不侵...

相當爽快嘅機主，約我哋收機upgrade 2TB SSD。 27" 嘅好處，係加Ram唔使嘥咗本身兩條4GB Ram，加多兩條4GB就夠使夠用。

機主專程捧部iMac 21.5" 2019嚟，為嘅係幫部機由8GB Ram，upgrade到32GB Ram。 #做新機嘅好處係保證唔使清塵😌

有人講過， 只要有好大舊嘢擺喺條街度， 就會有好多人影相。 #等收機無聊一攝 #有冇人知呢碌藝術品係想表達啲咩 #藝術嘅嘢我真係識條鐵